काठमाडौं– शिक्षा, विज्ञान तथा प्रविधि एवं युवा तथा खेलकुदमन्त्री सस्मित पोखरेलले २०६२-०६३ यता उच्च राजनीतिक पदमा बसेका सबैको सम्पत्ति छानबिन गरिने बताएका छन्।

बुधबार मन्त्रिपरिषद् बैठकपछि सञ्चारकर्मीसँग कुराकानी गर्दै उनले हालका मन्त्रीहरूले आफ्नो सम्पत्ति विवरण पारदर्शी रूपमा सार्वजनिक गरिरहेको दाबी गरे। अधिकांश मन्त्रीहरूले सम्पत्तिको स्रोतसमेत खुलाएको उनले बताए।

‘स्रोत धेरैजसोमा खोलेकै देखिन्छ,’ मन्त्री पोखरेलले भने, ‘हामीले ०६२-०६३ देखि आजसम्म प्रमुख राजनीतिक पदमा बसेका सबैको सम्पत्ति छानबिन गर्न समिति बनाएका छौं।’

बुधबार सरकारले २०६२-६३ सालदेखि २०७२-४३ सम्म सार्वजनिक पद धारण गरेका प्रमुख राजनीतिक पदाधिकारी तथा उच्च पदस्थ कर्मचारीहरूको सम्पत्ति विवरणको संकलन तथा छानबिन गर्न सम्पत्ति, जाँचबुझ छानबिन आयोग गठन गरेको छ ।