काठमाडौं– राष्ट्रिय स्वतन्त्र पार्टीकी कोषाध्यक्ष लिमा अधिकारीले सभापति रवि लामिछाने र वरिष्ठ नेता एवम् प्रधानमन्त्री बालेन्द्र शाहबीच कुनै मनमुटाव र खटपट नरहेको बताएकी छन् ।

प्रतिनिधि सभाको उपसभामुखलाई लिएर सञ्चारमाध्यममा खटपट भएको समाचार आएपछि अधिकारीले खबरसँगको कुराकानीमा कुने समस्या नभएको स्पष्ट पारिन्।

‘पार्टी सभापतिज्यू र वरिष्ठ नेताबीच कुनै खटपट छैन। उहाँहरूले पार्टीको शक्ति सन्तुलन र सरकारको शक्ति सन्तुलनको विषयमा निरन्तर छलफल संवाद र विमर्श गरेर अगाडि बढिरहनुभएको छ’, अधिकारीले भनिन, ‘पहिलो चरणमा काम गर्ने व्यक्तिहरूलाई मन्त्रालय र समितिहरूमा अवसर दिएको हो। समानुपातिक प्रतिनिधित्व र संविधानको मर्मअनुरूप दुवै नेताहरूले पार्टी र सरकार सञ्चालन गरिरहनु भएको छ। मिडियामा आएका कुरा भ्रमपूर्ण छन्।’

अधिकारीले काम गर्न नसक्ने मन्त्रीहरूलाई फिर्ता बोलाइएको विषयमा पनि दुई नेताहरूबीच गहिरो समझदारी रहेको बताएकी छन् ।