काठमाडौं – नायक पल शाहलाई निकालिएको गसिप चलेको फिल्म ‘महाराजधिराज’मा पुष्प खड्काको प्रवेश भएको छ ।

निर्माण पक्षले मंगलबार नयाँ वर्षको अवसर पारी शीर्ष भूमिकामा पुष्पको प्रवेश भएको जानकारी दिएको हो ।

गद्दीमा नग्न र महाराजको भेषमा पुष्पलाई नयाँ पोस्टरमा प्रस्तुत गरिएको छ ।

यसअघि सोही थिममा पलको पोस्टरमा पललाई प्रस्तुत गरिएको थियो । नयाँ पोस्टरमा पात्रको अनुहार मात्रै परिवर्तन गरिएको पाइएको छ ।

०८१ सालमा पलको जन्म दिन पारेर यस फिल्मको निर्माण घोषण गरिएको थियो । त्यसबेला पल फिचर्ड पोस्टर पनि सार्वजनिक गरिएको थियो ।

गत जेठमा पल यो फिल्मबाट टाढा भए । पुरानो यौन दुव्र्यवहारको काण्ड बल्झिएको बेला टाढिएकाले उनलाई बर्खास्त गरिएको गसिप फैलिएको थियो ।

निर्माण पक्ष र पल दुवैले यो फिल्मबारे एक–अर्काको विषयमा नबोल्ने बताउँदै आएका छन् ।

पलले टाढिएपछि यो फिल्मको निर्माण अन्योलमा परेको थियो । केही महिनाअघि निर्देशक परिच्छेद सेनले यो फिल्मको सम्झौता पत्रमा रगतले औँठा छाप लगाउने हिरोको प्रवेश भएको जानकारी दिएका थिए ।

रगतको छाप हान्न हिरो पुष्प रहेको खुल्न आएको छ । यही लाइनबाट फिल्मको चर्चा भइरहेको छ ।

यो वर्षको दशैँ लक्षित गरी फिल्म प्रदर्शनमा आउने पोस्टरमा उल्लेख गरिएको छ ।