काठमाडौं- नेपालस्थित भारतीय दूतावासले प्रख्यात गायिका आशा भोस्लेको ९२ वर्षको उमेरमा भएको निधनप्रति गहिरो समवेदना व्यक्त गरेको छ।

दूतावासले सामाजिक सञ्जालमार्फत् जारी गरेको सन्देशमा आशा भोस्लेको कालजयी स्वर र लामो संगीत यात्राले विश्वभरका लाखौं श्रोताहरूलाई प्रभावित गरेको उल्लेख गरिएको छ।

नेपालमा समेत उनका गीतहरू अत्यन्त लोकप्रिय रहेको स्मरण गर्दै दूतासावले भनेको छ, ‘उनले नेपाली गीतहरू पनि गाएकी थिइन् । जसबाट सांस्कृतिक सम्बन्धलाई मजबुत बनाउन भूमिका खेलेको थियो ।’

आशा भोस्लेको संगीत यात्राले भारत र नेपालबीचको सांस्कृतिक र भावनात्मक सम्बन्धलाई अझ गहिरो बनाएको दूतावासले जनाएको छ।

‘उनको योगदानले दुई देशबीचको सांस्कृतिक सेतु निर्माणमा महत्वपूर्ण भूमिका खेलेको थियो’, दूतावासले उल्लेख गरेको छ ।

Embassy of India @IndiaInNepal expresses deepest condolences on the passing of legendary singer Asha Bhosle Ji. Her timeless voice and extraordinary musical journey enriched our cultural heritage and touched millions across the world, including Nepal.

She has sung several Nepali…

— IndiaInNepal (@IndiaInNepal) April 12, 2026