काठमाडौं- प्रधानमन्त्री वालेन्द्र शाह नेतृत्वको मन्त्रिपरिषद्मा उल्लेखनीय रूपमा महिला सहभागी भएका छन्।

१६ सदस्यीय मन्त्रिपरिषद्‍मा ६ जना महिला मन्त्री नियुक्त भएका छन् । जसले ३७.५ प्रतिशत महिला प्रतिनिधित्व कायम गरेको छ।

गत चैत १३ गते प्रधानमन्त्री शाह नेतृत्वको नयाँ सरकार गठन हुँदा कानुन, न्याय तथा संसदीय मामिला मन्त्रीमा सोविता गौतम, कृषि तथा पशुपंक्षी विकास मन्त्रीमा गीता चौधरी, महिला बालबालिका तथा जेष्ठ नागरिक मन्त्रीमा सीता बादी र स्वास्थ्य तथा जनसंख्या मन्त्री निशा मेहेता नियुक्त भएका थिए ।

प्रधानमन्त्री शाहको सिफारिसमा शुक्रबार उद्योग, वाणिज्य तथा आपूर्ति मन्त्रीमा गौरीकुमारी यादव नियुक्त भएकी छन्।

नेपालको संविधानले राज्यका निकायमा कम्तीमा ३३ प्रतिशत महिला सहभागिता सुनिश्चित गरे पनि विगतका सरकारहरूमा यो लक्ष्य पूरा हुन सकेको थिएन ।