काठमाडौं- उपसभामुख पदको निर्वाचनअघि डाकिएको राष्ट्रिय स्वतन्त्र पार्टी संसदीय दलको बैठकमा प्रधानमन्त्री एवम् संसदीय दलका नेता वालेन्द्र शाह पनि सहभागी भएका छन्।

सिंहदरबारमा बसेको संसदीय दलको बैठकले राष्ट्रिय स्वतन्त्र पार्टीको तर्फबाट प्रतिनिधि सभाको उपसभामुखको निर्वाचनमा श्रम संस्कृति पार्टीकी प्रस्तावित उम्मेदवार रूबीकुमारी ठाकुरलाई सघाउने निर्णय गरेको छ।

धनुषाकी २५ वर्षीय रुबीकुमारी बालेनकै जोडबलमा उपसभामुख हुन लागेकी हुन्। सभापति रवि लामिछानेले राप्रपालाई उपसभामुख दिन चाहे पनि बालेनले हर्क साम्पाङसँगको सम्बन्ध सुधार गर्दै रुबीकुमारीलाई उपसभामुखका सघाउने निर्णय गराएका हुन् ।

बालेन यसअघि रास्वपा संसदीय दलको बैठकमा एक पटक मात्रै सहभागी भएका थिए । आफूलाई दलको नेता बनाउन डाकिएको बैठकमा चैत १२ गते सहभागी भएयता बालेन सहभागी भएका थिएनन् ।

शुक्रबार सिंहदरबारमा बसिरहेको दलको बैठकमा सहभागी हुन् बालेन र गृहमन्त्री सुधन गुरुङ पनि पुगेका हुन् ।