काठमाडौं – नायिका झरना थापा र उनकी छोरी सुहाना एकै फिल्ममा देखिने भएका छन् । फिल्म ‘बा : एक योद्धा’मा उनीहरूको अभिनय रहने भएको हो ।
झरना र सुहाना पहिलो पटक स्क्रिन सेयर गर्ने भएका हुन् ।
अहिले उक्त फिल्मको छायाङ्कन चलिरहेको निर्देशक हरि लम्सालले जानकारी दिए । उनले आफ्नो डेब्यू फिल्मै आमा-छोरी नायिकालाई अभिनय गराएका हुन् ।
संगीतकारका रुपमा परिचत लम्सालले पटकथा पनि आफैँले लेखेका हुन् ।
चैत ९ देखि यो फिल्मको छायाङ्कन काठमाडौं आसपासका क्षेत्रमा भइरहेको छ । अन्य कलाकारको नाम गोप्य राखेर फिल्मको छायाङ्कन गरिएको हो ।
‘आर्टिस्टिक इन्टरटेनमेन्ट’को ब्यानरमा बन्ने यस फिल्मको निर्माता वसन्त लम्साल हुन् ।
प्रतिक्रिया