काठमाडौं– राष्ट्रिय प्रजातन्त्र पार्टी (राप्रपा)की सांसद खुश्वु ओलीले प्रतिनिधि सभाको सोमबार बसेको हिन्दू अधिराज्य र राजसंस्थाको विषय उठाएकी छन्।

प्रतिनिधि सभा बैठकमा पहिलो पटक बोल्ने क्रममा उनले राप्रपाको पुरानै लाइन उठाएकी हुन्।

‘हिन्दू राज्य र राजसंस्था जनतालाई नसोधी हटाइएको थियो। सभामुख महोदय, एक पटक जनतालाई सोधौँ, हिन्दू राज्य र राजसंस्था चाहिन्छ चाहिँदैन?’, उनले यी दुई संस्थाबारे जनमत संग्रह गर्नुपर्ने संकेतसहित भनिन् ।

राप्रपा नेतृसमेत रहेकी उनले वालेन्द्र शाह नेतृत्वको सरकारले आइतबार मात्रै स्वीकारेको ९० मिलियन ऋणबारे पनि कडा टिप्पणी गरेकी छन् ।

उनले बालेन सरकारको उक्त कदमबारे संसद्मा छलफल नै नगरी चालिएकोमा आपत्ति जनाएकी छन् ।

‘संसदीय समिति नबनेको, उपसमिति नरहेको बेलामा सरकारले ऋण के आधारमा स्वीकार गरेको हो ?’, उनले सोधिन्, ‘त्यो रिक्वेस्टेट ऋण हो कि प्रस्ताव गरिएको थियो ? संसद्मा छलफल नै नगरी यसरी विदेशी सहयोग स्वीकार गर्दा सरकारको भूमिकामाथि प्रश्न उठ्छ।’