काठमाडौं– प्रतिनिधि सभामा आफ्नो पार्टीलाई छोटो समय दिएकोमा श्रम संस्कृति पार्टीका अध्यक्ष हर्क साम्पाङले चित्त दुखाएका छन् । 

उनले राष्ट्रिय स्वतन्त्र पार्टीका सभापति रवि लामिछानेले दलित समुदाय प्रति भएको दमनको माफी मागेको तर सदन भित्रै विभेद भएको उल्लेख गरे । 

उनले सत्तापक्षलाई बोल्न २५ मिनेट समय दिने र प्रतिपक्षलाई १० मिनेट पाँच मिनेट समय दिएको विरोध जनाएका हुन् ।

आफूहरू पनि जन निर्वाचित प्रतिनिधि भएको बताउँदै हर्कले भने,’प्रतिनिधि सभामा पनि सत्तापक्ष र प्रतिपक्ष भनिएर विभेद भएको छ । सत्तापक्षलाई बोल्न २५ ३० मिनेट दिने प्रतिपक्षलाई १० मिनेट ५ मिनेट ३ मिनेटमा सक्ने भन्ने पनि हुन्छ ।’

रवि लामिछानेले दलितहरू माथि विभेद भएकोप्रति सरकारको तर्फबाट बोल्दै प्रतिनिधिसभामा माफी मागेपछि हर्कले त्यसको प्रति उत्तर दिएका हुन् ।