काठमाडौँ । केहि दिनअघि एमालेका कार्यकर्ताहरुले आफ्नो पार्टी अध्यक्ष केपी शर्मा ओलीको पक्राउविरुद्ध नारा लगाउँदै हिँड्दै गर्दा एक जेष्ठनागरिक माथि दुव्र्यवहार भएको भिडियो सामाजिक संजालमा भाइरल भएको थियो । यसबारे गृहमन्त्री सुधन गुरुङले चासो दिएका थिए ।

उनीमाथि युवा संघ ललितपुरका अध्यक्ष रामशरण शर्मा बजगाईँले दुव्र्यवहार गरेका थिए । उनी पक्राउ परिसकेका छन् । उनलाई जिल्ला प्रहरी परिसर ललितपुरमा राखिएको छ ।

गृहमन्त्री गुरुङलाई आफू पिडित हुँदा यसरी तुरुन्तै एक्सनमा उत्रिएर साथ दिएको भन्दै जेष्ठनागरिकले धन्यवाद दिएका छन् ।

गृहमन्त्री गुरुङ आफ्नो काम सकेर निवास फर्कदै गर्दा जेष्ठ नागरिककै निवास पुगेका थिए । उक्त घटनाले आफू निदाउनसमेत नसकेको भन्दै गृहमन्त्री गुरुङ तुरुन्तै एक्सन लिएको बताए ।