काठमाडौं- नेपाली कांग्रेसले सातै प्रदेशमा फागुन २१ गतेको चुनावी समीक्षा कार्यक्रम चलाउने भएको छ।

कांग्रेस केन्द्रीय कार्यसमितिको बैठकले सातै प्रदेशमा निर्वाचन समीक्षा र पार्टीको आगामी बाटो निर्धारणका लागि कार्यक्रम सञ्चालन गर्ने निर्णय गरेको हो।

पार्टीले १६५ निर्वाचन क्षेत्रका उम्मेदवारहरूसँग समिक्षात्मक छलफल गर्दै केन्द्रीय प्रतिनिधिको उपस्थितिमा क्षेत्रगत अध्ययन र समीक्षा गर्ने भएको महामन्त्री प्रदीप पौडेलले बताए।

कार्यक्रमलाई प्रभावकारी बनाउन सम्बन्धित प्रदेश कार्यसमितिका सभापतिको समन्वयमा केन्द्रीय कार्यसमितिका सदस्य, प्रदेश कार्यसमितिका पदाधिकारी, जिल्ला सभापति, प्रतिनिधि सभा क्षेत्रीय सभापति, प्रदेश सभा सदस्य, प्रदेश सभा क्षेत्रीय सभापति र उम्मेदवारलाई सहभागी गराइने भएको छ।

कार्यक्रम तालिका

• कोशी प्रदेश: विराटनगर, २०८२ चैत्र २३, संयोजक: डा. डिला संग्रौला पन्त
• मधेश प्रदेश: जनकपुर, २०८२ चैत्र २५, संयोजक: श्री फरमूल्लाह मंसुर
• बागमती प्रदेश: हेटौडा, २०८३ वैशाख ७, संयोजक: श्री बहादुर सिंह लामा
• गण्डकी प्रदेश: पोखरा, २०८२ चैत्र २७, संयोजक: श्री देवराज चालिसे
• लुम्बिनी प्रदेश: दाङ, २०८२ चैत्र २९, संयोजक: श्री योगेन्द्र चौधरी
• कर्णाली प्रदेश: सुर्खेत, २०८३ वैशाख ३, संयोजक: श्री कर्णबहादुर बुढा
• सुदूरपश्चिम प्रदेश: कैलाली, २०८३ वैशाख ५, संयोजक: श्री प्रकाश रसाइली स्नेही

पार्टीले यस कार्यक्रममार्फत् निर्वाचन अनुभवको समीक्षा गर्दै भविष्यका रणनीति निर्माण गर्ने उद्देश्य राखेको महामन्त्री पौडेलले जानकारी दिए ।