काठमाडौँ – नेपाली कांग्रेसका महामन्त्री प्रदीप पौडेलले मुलुक सङ्कटमा परेका बेला पार्टीभित्र एकता हुनुपर्ने बताएका छन् ।

सामाजिक सञ्जालमार्फत आफ्ना धारणा सार्वजनिक गर्दै महामन्त्री पौडेलले विगतका हरेक सङ्कटमा कांग्रेस एकताबद्ध रहेको स्मरण गराएका छन् । “एकताकै बलमा कांग्रेसले विगतमा देशका ऐतिहासिक परिवर्तनको नेतृत्व गर्‍यो र सफलता पनि हासिल गर्‍यो,” उनले फेसबुकमा लेखेका छन्, “अहिले पनि एकतामै बल छ ।”

उनले वर्तमान प्रतिकूलतामा छिन्नभिन्न भएर नबस्न नेता-कार्यकर्तालाई आग्रह गर्दै एकजुट हुन दोहोर्‍याएका छन् । उनले अगाडि लेखेका छन्, “म नेपाली कांग्रेसका सबै नेता तथा कार्यकर्तालाई अनुरोध गर्छु- एकतामा नै शक्ति छ र यसैको बलमा हामीले फेरि उज्यालो भविष्य प्राप्त गर्नेछौँ ।”