काठमाडौँ– नेपाली कांग्रेसका निवर्तमान कार्यवाहक सभापति पूर्णबहादुर खड्काले १४औँ महाधिवेशनबाट निर्वाचित केन्द्रीय कार्यसमिति बैठक बोलाएका छन् ।

बैठक चैत १७ गते मंगलबार धुम्बाराहीस्थित स्मार्ट पार्टी प्यालेसमा मंगलबार बिहान ११ बस्नेगरी बोलाइएको हो ।

बैठकमा विशेष महाधिवेशन स्वीकार नगरेका प्रदेश कार्यसमिति सभापतिहरूलाई पनि बोलाइएको छ ।

यस्तै, कार्यबाहक सभापति खड्काले जिल्ला सभापतिहरूको भेला पनि बोलाएका छन् ।

खड्काले गत पुसमा विशेष महाधिवेशनको पक्षमा नआएका पूर्वसभापति शेरबहादुर देउवा पक्षका जिल्ला सभापतिहरूलाई लक्षित गर्दै यही चैत १९ गतेका लागि जिल्ला सभापतिहरुको भेला बोलाएका हुन् । को भेला बोलाएका हुन् ।

कांग्रेस नेता एवं पूर्वगृहमन्त्री रमेश लेखक पक्राउ परेपछि कार्यवाहक सभापतिको हैसियतमा वक्तव्य जारी गरेका खड्काले केन्द्रीय समिति बैठक र जिल्ला सभापतिहरुको भेला बोलाएका हुन् ।