काठमाडौँ – मुख्य प्रशिक्षक गुग्लिएल्मो एरेनाले सर्वाधिक १३ गोलको कीर्तिमान बराबरी गरेका फरवार्ड अञ्जन विष्टलाई बाहिर राख्दै एएफसी एसियन कप छनोटअन्तर्गत अन्तिम खेल खेल्ने टोली घोषणा गरेका छन् ।

टोली लाओस पुगेलगत्तै प्रशिक्षक एरेनाले अन्तिम टोलीको सूची अखिल नेपाल फुटबल संघ (एन्फा) को सामाजिक सञ्जालमार्फत सार्वजनिक गर्न लगाएका हुन् ।

नेपालले छनोटको अन्तिम खेल मंगलबार लाओसविरुद्ध खेल्दै छ । यसअघि त्रिपुरेश्वरस्थित दशरथ रंगशालामा हुने तय भएको उक्त खेल लाओसमै सारिएको हो । दशरथ रंगशालामा चैत १३ का लागि तय भएको हङकङविरुद्धको मैत्रीपूर्ण खेल पनि यसअघि नै रद्द भइसकेको छ ।

२३ सदस्सीय टोलीको कप्तानी किरणकुमार चेम्जोङले नै गर्नेछन्।

गोलकिपर: किरण चेम्जोङ, विशाल सुनार र योगेश धिमाल ।

टोलीका अन्य सदस्य: अभिषेक लिम्बू, आदित्य शाक्य, अनन्त तामाङ, आयुष घलान, विमल पाण्डे, दीपेश गुरुङ, जिलेस्पीजंग कार्की, कृतिश रत्न छुन्जु, मणिकुमार लामा, मनिष डाँगी, मिलन राई, पेम्बा दोर्जे लामा, रोहन कार्की, रोहित चन्द, रोमन भुजेल, सनिश श्रेष्ठ, सुमन श्रेष्ठ, सुमित श्रेष्ठ, योगेश गुरुङ र युवराज खड्का ।