काठमाडौं- विकासे मन्त्रालय खोजेपछि डा. अमरेश सिंह अन्तिम समयमा मन्त्रीको सूचीबाट बाहिरिएका छन् ।

बालेनले सुनील लम्साललाई दिएको भौतिक पुर्वाधार तथा यातायात मन्त्रालय खोजेपछि अन्तिम समयमा अमरेश आउट भएका हुन् ।

यससँगै प्रधानमन्त्रीमा नियुक्त भइसकेका बालेन्द्र शाहले नै रक्षा र उद्योग मन्त्रालय राखेका छन् ।

अमरेशका स्वकीय सचिव रञ्जित झाका अनुसार उनले उद्योग मन्त्रालयमा अस्वीकार गरेका हुन् ।

‘उहाँले मेरो विज्ञता उद्योगमा नभएका कारण उद्योग मन्त्रालयमा जान्न भन्नुभएको छ’, अमरेशका सचिवालयका सदस्यले भने, ‘बरू म सांसदकै रूपमा बसेर काम गर्छु तर उद्योग मन्त्रालय लिन्न भनेर उहाँले जानकारी गराइसक्नुभयो।’

तर अमरेशले भौतिक मन्त्रालय र परराष्ट्र मन्त्रालय मागेको बताइएको छ। अहिले अमरेशले शीर्ष नेताहरूसँग कुराकानी गरिरहेका छन्।