काठमाडौं- अमेरिकी राष्ट्रपति डोनाल्ड ट्रम्पले इरानी वार्ताकारको व्यवहारलाई ‘विचित्र’ भन्दै कडा चेतावनी दिएका छन् ।

आफ्ने स्वामित्वको ट्रुथ सोसल सामाजिक सञ्जालमा पोस्ट गर्दै राष्ट्रपति ट्रम्पले पर्दापछाडि सम्झौताका लागि ‘भिख मागिरहेको’ भएपनि इरानी पक्षले सार्वजनिक रूपमा भने अमेरिकी प्रस्तावमाथि विचार मात्र गरिरहेको नाटक मञ्चन गरेको जनाएका छन् ।

ट्रम्पले इरानको यो शैलीलाई पूर्ण रूपमा गलत भनेका छन् । राष्ट्रपति ट्रम्पले इरानको सैन्य शक्ति समाप्त भइसकेको र अब उसले पुनरागमन गर्ने कुनै सम्भावना नरहेको दाबी गरेका छन् ।

उनले इरानी पक्षलाई समयमै गम्भीर हुन सचेत गराएका छन् । ढिलो भएमा त्यसको परिणाम निकै भयानक हुने र पछि फर्कने बाटो नरहने उनको चेतावनी छ । ट्रम्पले इरानलाई अन्तिम मौका दिँदै छिटो निर्णय लिन दबाब दिएका छन् ।