काठमाडौं – युवापुस्तमाझ लोकप्रिय र्‍यापर समीर घिसिङ (भिटेन) ले नयाँ गीत बजारमा ल्याउने भएका छन् । उनले ‘थाहा छैन’ बोलको गीत सार्वजनिक गर्न लागेको आधिकारिक रुपमा जानकारी गराएका हुन् ।

यसअघि भिटेनले बजारमा ल्याएको गीत ‘हामी यस्तै त हो नि ब्रो’ युवा जगतमा लोकप्रिय भएको थियो । तर, यही गीतका कारण भिटेनलाई प्रहरीले ७ कार्तिकमा प्रहरीले पक्राउ गरेको थियो । भिटेनले गीतमा अश्लील शब्द प्रयोग गरेको भन्दै प्रहरीले पक्राउ गरेको थियो । सामाजिक सञ्जालमा विवाद भएपछि १ दिनपछि उनलाई रिहा गरिएको थियो ।

हिरासतमा लिएका बेलामा नै ‘हामी यस्तै त हो नि ब्रो’ बोलको गीत प्रहरीले युटयुबबाट हटाउन लगाएको थियो । भिटेन पक्राउ परेपछि उनको समर्थन र विरुद्धमा बहस समेत भएको थियो ।