काठमाडौं – रामबाबु गुरुङले निर्देशन गरिरहेको फिल्म ‘सेन्टी भाइरस’ फागुन ९ गतेदेखि प्रदर्शन गरिने भएको छ । फिल्मलाई धुर्मुस सुन्तलीले निर्माण गर्न लागेका हुन् ।

डिन्डु लामा ह्योल्मोले निर्माण गर्ने यो फिल्मलाई कुमार कट्टेल र दीपक आचार्यको लेखन रहेको छ । चलचित्र सुबिहानी फिल्मस् प्रालिको ब्यानरमा निर्माण हुन लागेको हो । योसँगै फिल्मको फस्ट लूक सार्वजनिक गरिएको छ । फस्ट लूकमा सीताराम कट्टेललाई ढाका टोपी लगाएको देख्न सकिन्छ ।

सामाजिक कथामा निर्माण भएको यो फिल्ममा सिताराम कट्टेल (धुर्मुस) र कुञ्जना घिमिरे (सुन्तली), दयाहाङ राई, विल्सनविक्रम राई, बुद्दि तामाङ, कमलमणि नेपाल, राजाराम पौडेल, सूर्यमाला खनाल, बसन्त भट्ट, दीपक आचार्य लगायतका कलाकारकाे अभिनय रहनेछ ।

यस्तै फिल्ममा राजनराज सिवाकोटी/कालीप्रसाद बाँस्कोटाको संगीत, शैलेन्द्र ध्वज कार्कीको छायाँकन र निमेष श्रेष्ठको सम्पादन रहनेछ ।