एनएसडब्ल्यू प्रहरीले सार्वजनिक गरेको फुटेजमा युवतीमाथि एक पुरुषले यौन दुर्व्यवहार गरेका छन् । केही दिन अघि सार्वजनिक भएको उक्त भिडियो सामाजिक सञ्जालमा भाइरल बनेको छ ।  क्लवबाट आएकी ती युवती आफ्नो साथीहरूबाट अलग भएपछि उनीमाथि हमला भएको भिडियोमा देखाइएको छ ।

सार्वजनिक भिडियोमा युवतिलाई तानेर एक गल्लीतिर लगेको देखिएको छ । घटना गत आइतबार बिहान २ः३० बजेको समयमा भएको प्रहरीले बताएको छ ।

प्रहरीका अनुसार २२ वर्षीया सिड्नीकी युवतीसँग पुरुषले नजिक हुन खोजेका थिए । त्यसपछि ती महिला र पुरुष केहीसमय सँगै हिडेर केही अघि बढेपछि उक्त पुरुषले युवतीमाथि दुर्व्यवहार गरेका थिए ।

ती युवतीले आफ्नो साथीलाई बोलाएर घटनाको विषयमा प्रहरीमा उजुरी दिएकी थिइन् । प्रहरीले ती पुरुष भारतीय उपमहाद्वीपतिरको हुनसक्ने अनुमान गरेको छ । उनलाई प्रहरीले पक्राउ गर्न सकेको छैन ।