काठमाडौं- माउन्टेन ड्यु नेपालको ‘पिक्स अफ करेज’ अभियानले एसिया–प्रशान्त क्षेत्रको सर्वाधिक प्रतिष्ठित रचनात्मक अवार्ड समारोह ‘स्पाइक्स एसिया’ मा १ ग्रान्ड प्रिक्स, १ सिल्भर र २ ब्रोन्ज गरी कुल ४ वटा अवार्ड प्राप्त गरेको छ ।  

कम्पनीका अनुसार यस अभियानले कम चर्चामा रहेका हिमालहरू र तिनमा लुकेका साहसका प्रेरणादायी कथाहरूलाई उजागर गरेको थियो । कथावाचन, डिजिटल संलग्नता तथा इमर्सिभ ब्रान्ड एक्सपिरियन्सको उत्कृष्ट संयोजनमार्फत ‘पिक्स अफ करेज’ ले हिमाली पहिचानलाई प्रस्तुत गरेको कम्पनीको दाबी छ ।

यस अभियानमा ‘लोकल एक्टिभेसन पार्टनर’ का रूपमा जोडिन पाएकोमा डिजिटल ईनले विशेष महसुस गरेको कम्पनीले जनाएको छ ।  

डिजिटल ईनका संस्थापक तथा कार्यकारी निर्देशक उमङ्ग शाक्यले भने,’यो केवल हाम्रो अभियानको सफलता मात्र होइन, समग्र नेपाली रचनात्मक उद्योगका लागि पनि गौरवको क्षण हो । ‘पिक्स अफ करेज’ को नेपाली कार्यान्वयनमा स्थानीय साझेदारका रूपमा जोडिन पाउनु हाम्रा लागि अत्यन्तै गर्वको विषय हो। स्पाइक्स एसियाजस्तो प्रतिष्ठित मञ्चमा नेपालको अभियानले यस्तो उच्च मान्यता पाउनु नेपाली विज्ञापन जगतका लागि एउटा महत्त्वपूर्ण कोसेढुङ्गा साबित भएको छ, जसलाई हामी सम्पूर्ण टिमले हर्षोल्लासका साथ मनाइरहेका छौँ ।’

 प्राप्त अवार्डहरूको विवरण :

•          ग्रान्ड प्रिक्स – एक्टिभेसन ]

•          सिल्भर – इनोभेसन

•          ब्रोन्ज – क्रिएटिभ डेटा

•          ब्रोन्ज – ब्रान्ड एक्सपिरियन्स