मस्को- युक्रेनका राष्ट्रपति भोलोदोमिर जेलेन्स्कीले अमेरिकाविरुद्ध लड्न रूसले इरानलाई ड्रोन उपलब्ध गराएको दाबी गरेका छन्।
सीएनएनसँगको अन्तर्वार्तामा उनले मूल रूपमा इरानले डिजाइन गरेको ‘शाहेद’ ड्रोन रूसले ठूलो मात्रामा उत्पादन गरी उपलब्ध गराइरहेको बताएका हुन्।
उनका अनुसार ती ड्रोनहरू मध्यपूर्वमा रहेका अमेरिकी सैन्य अड्डामाथि आक्रमण गर्न प्रयोग गरिएको छ।
उनले युक्रेनसँग ती ड्रोनको सामना गर्ने अनुभव रहेको पनि बताएका छन् । रूसले लामो समयदेखि युक्रेनमाथि पनि यिनै ड्रोन प्रयोग गर्दै आएको छ।
विशेषज्ञहरूका अनुसार ‘शाहेद’ ड्रोन कम लागतका हुन्छन् । यिनलाई ठूलो संख्यामा प्रयोग गर्दा हवाई सुरक्षा प्रणालीका लागि चुनौती बन्न सक्छन्।
प्रतिक्रिया