काठमाडौँ – स्पेनिस ला लिग अन्तर्गत गएराति भएको खेलमा रियल मड्रिडले एल्चेमाथि शानदार जित निकालेको छ । घरेलु मैदानमा भएको खेलको सुरुवादेखि नै आक्रामक देखिएको रियलले एल्चेमाथि ४–१ गोल अन्तरको जित निकालेको हो ।

रियलको जितमा एन्टिनिओ रुडिगरले २९ औँ मिनेटमा पहिलो गोल गरे भने पहिलो हाफको अन्तिम मिनेटमा फेडेरिको भाल्भर्डेले दोस्रो गोल गरे ।

रियल पहिलो हाफमा २–० ले अगाडि थियो । थप तीन गोल दोस्रो हाफमा भएका हुन् ।

दोस्रो हाफको ६६ मिनेटमा रियलका डिनो ह्युसेनले तेस्रो गोल गरेका हुन् । तीन शून्यले पछाडि परेको एल्चेलाई रियलका म्यानुएल एन्जेलले खेलको ८५ औँ मिनेटमा आत्मघाती गोल उपहार दिएका थिए । यो गोल उपहारसँगै खेल ३–१ को अन्तरमा पुगेको थियो ।

खेलको ८९ औँ मिनेटमा युवा स्टार अर्दा गुलेरले रियलका लागि चौथो गोल गर्दै ४–१ को जित निश्चित गरेका हुन् । यो जितसँगै रियलले तालिकामा तीन अंक थपेको छ ।