काठमाडौं- इरानको शक्तिशाली सैन्य दस्ता इस्लामिक रिभोलुसनरी गार्ड कोर आईआरजीसीले संयुक्त अरब इमिरेट्स (यूएई) मा रहेका अमेरिकी अखडामा हमला गर्ने चेतवानी दिएको छ । आईआरजीसीले यूएईमा रहेका अमेरिकी अखडाहरु ‘जायज निशानामा’ रहेको चेतावनी दिएको हो ।

अमेरिकाले इरानको खार्ग टापुमा आक्रमण गरेपछि इरानले यस्तो कडा प्रतिक्रिया दिएको हो । इरानको तस्नीम समाचार एजेन्सीका अनुसार आईआरजीसीले आफ्नो राष्ट्रिय सार्वभौमसत्ता र भूभागको रक्षाका लागि अमेरिकी क्षेप्यास्त्र प्रहार भएका स्थानहरूमा आक्रमण गर्ने अधिकार सुरक्षित राखेको बताएको छ ।

इरानले यूएईका विभिन्न सहर, बन्दरगाह र डकहरूमा लुकेर बसेका अमेरिकी सैनिकहरूका लुक्ने ठाउँहरूलाई निशाना बनाउने स्पष्ट पारेको छ । सम्भावित क्षतिबाट बच्नका लागि इरानले यूएईका बासिन्दाहरूलाई अमेरिकी सैन्य क्षेत्र र बन्दरगाहहरूबाट टाढा रहन वा ती ठाउँहरू खाली गर्न आग्रह गरेको छ ।