दोहा– कतारको राजधानी दोहास्थित नेपाली राजदूतावासले मध्यपूर्वमा विकसित पछिल्लो घटनाक्रमपछि कतारमा रहेका नेपाली नागरिकलाई साउदी अरब हुँदै स्वदेश फर्किँदा पर्यटक भिसा लिन आग्रह गरेको छ ।

भिसा प्राप्त गर्न दोहामा रहेको तशीर साउदी भिसा सेवा केन्द्र मार्फत अग्रिम अपोइन्टमेन्ट बुक गरेर आवेदन दिनुपर्ने दूतावासले जनाएको छ। उक्त सेवा केन्द्र एजदान मल अल घराफामा रहेको दूतावासले जनाएको छ ।

दूतावासका अनुसार वैध आवासीय अनुमतिपत्र (कतार आईडी) भएका र साउदी अरेबियाका विमानस्थल प्रयोग गरी नेपाल फर्किन चाहने नेपालीहरूले अनिवार्य रूपमा साउदी अरबको पर्यटक भिसा लिनुपर्नेछ ।

थप जानकारीका लागि आवेदकहरूले सेवा केन्द्रको फोन नम्बर ५०६६०६२२ मा सम्पर्क गर्न सक्नेछन्।

दूतावासले साउदी अरेबियाका विमानस्थल प्रयोग गरेर यात्रा गर्ने नेपाली नागरिकलाई आवश्यक कागजात र भिसा प्रक्रिया समयमै पूरा गरी मात्र यात्रा गर्न पनि अनुरोध गरेको छ ।