काठमाडौं- इरानले होर्मुज जलडमरुमध्यमा थाई ध्वजावाहक जहाजमा हमला गरेपछि दुई देशबीच कूटनीतिक संकट पैदा भएको छ । थाइल्याण्डको विदेश मन्त्रालयले थाई ध्वजावाहक ‘मयूरी नारी’ जहाजमाथि भएको आक्रमणको विषयमा छलफल गर्न इरानी राजदूतलाई बोलाएको छ ।
थाइल्याण्डको आधिकारिक समाचार एजेन्सीका अनुसार मन्त्रालयले हिजो भएको उक्त घटनाको वास्तविक तथ्य बुझ्न राजदूतलाई बोलाएको हो । जहाज सञ्चालक कम्पनीका अनुसार आक्रमणमा परी चालक दलका तीन सदस्य बेपत्ता भएका छन् ।
उनीहरू जहाजको इञ्जिन कक्षमा थुनिएको हुनसक्ने अनुमान गरिएको छ । थाइल्याण्ड सरकारले आफ्ना नागरिकको सुरक्षा र घटनाको विस्तृत विवरणका लागि इरानसँग आधिकारिक धारणा माग गरेको छ ।
प्रतिक्रिया