काठमाडौं – वरिष्ठ कलाकार नीर शाहको निर्देशनमा फिल्म ‘कमला मिस’को छायाङ्कन पूरा भएको छ ।

फिल्मका लाइन प्रोड्युसर पुस्कर लामाकाअनुुसार फिल्मको छायाङ्कन २३ दिनमा मंगलबार पूरा भएको हो ।

फागुन १ गतेबाट यसको छायाङ्कन सुरु भएको थियो । निर्वाचनको कारण दिन छायाङ्कन प्रभावित भएको उनले बताए ।

मनोवैज्ञानिक कथा आधारित ‘कमला मिस’ मा निर्देशक नीर शाह सहित रमेश बुढाथोकी ,बासना तिमिल्सिना, , शिवम सराफ क्षेत्री, आरभ दाहाल, भावना मगर, सुशान्त कुमार श्रेष्ठ ,जयन्त रेग्मी सुरेश थापा , राजन केसी र संजय खतिवडा लगायतका कलाकारहरूको मुख्य भूमिका रहेको छ।

फिल्म विजय मल्ल स्मृति प्रतिष्ठानको लागि उमा मल्लले निर्माण गरेकी हुन् । कथा विजय मल्लको हो। पटकथा तथा संवाद निर्देशक नीर शाह र प्रजल दुलालले संयुक्त रूपमा तयार पारेका हुन् ।