तेहरान- अमेरिका र इजरायलले इरानमाथि युद्ध थोपरेको बुधबार १२औँ दिनमा पुगेको छ। यस युद्धमा अहिलेसम्म १४० अमेरिकी सैनिक घाइते भएका छन् । ७ सैनिकको मृत्यु भएको पुष्टि भएको छ।

उता इरानले आफ्नो देशमा भएका आक्रमणबाट करिब ८ हजार घरमा क्षति पुगेको जनाएको छ। अहिलेसम्म यी दुई देशले १३०० भन्दा बढी मानिसको ज्यान लिइसकेको इरानको दाबी छ ।

संयुक्त राष्ट्रसंघमा इरानका राजदूत अमिर सइ इरावानीका अनुसार देशभर करिब ९६०० नागरिक क्षेत्रलाई निशाना बनाइएको छ। तीमध्ये घरबाहेक बजार, अस्पताल, औषधि केन्द्र र विद्यालय पनि रहेका छन्।

यसैबीच इरानले इजरायलका धेरै सहरमा मिसाइल आक्रमण गरेको दाबी गरेको छ। इरानका अनुसार हाइफा, जेरुशेलम र तेल अवीवलाई निशाना बनाइएको थियो।