काठमाडौं – नायिका आँचल शर्मा शीर्ष भूमिकामा रहेको फिल्म ‘एक मुठी बादल : माइ सेयर अफ स्काई’को प्रदर्शन मिति जेठ १ लाई तोकिएको छ ।
निर्माण पक्षले सोमबार एक पोस्टर सार्वजनिक गरी प्रदर्शन मितिबारे जानकारी दिएको हो ।
सार्वजनिक पोस्टरमा फिल्मका सबै मुख्य कलाकारहरू आँचल शर्मा, निशा शर्मा, उषा रजकलगायतलाई फिचर्ड गरिएको छ ।
निर्माण पक्षका अनुसार फिल्ममा तीन पुस्तादेखिको भावनात्मक उतारचढावलाई र नेपाली समाजको पृष्ठभूमिमा परिवारका सदस्यबिचको अपेक्षा, त्याग र व्यक्तिगत आकांक्षालाई रोचक शैलीमा प्रस्तुत गरिएको छ ।
गौथली इन्टरटेनमेन्ट ब्यानरमा बनेको यो फिल्मको लेखक तथा निर्देशक साहार शर्मा हुन् ।
प्रतिक्रिया