काठमाडौं- नेपाल फुटबल खेलाडी संघले आफ्ना माग पूरा नभएसम्मका लागि अखिल नेपाल फुटबल संघ (एन्फा) को मुख्यालयमा तालाबन्दी गरेको छ।

संघले फुटबल खेलाडी र समग्र नेपाली फुटबलको हितका लागि लामो समयदेखि एन्फाविरुद्ध चरणबद्ध रूपमा विभिन्न माग राख्दै आएको जनाएको छ।

पटक–पटक वार्ता र सडक संघर्ष गर्दा पनि आफ्ना जायज मागहरू बेवास्ता गरिएकाले बाध्य भएर तालाबन्दी गर्ने निर्णय गरिएको खेलाडी संघले जनाएको छ।

खेलाडी संघले उल्लेखित मागहरूमा ठोस कार्यान्वयन नभएसम्म एन्फा मुख्यालयमा तालाबन्दी जारी रहने जनाएको छ।

यसका साथै, संघको सहमतिविना तालाबन्दी खोलिए त्यसबाट उत्पन्न हुने सम्पूर्ण क्षतिको जिम्मेवारी एन्फाले नै लिनुपर्ने चेतावनी पनि दिएको छ।

तस्बिर : नेपाल फोटो लाइब्रेरी