भोजपुर- प्रतिनिधिसभा निर्वाचन अन्तर्गत भोजपुरबाट आएको प्रारम्भिक मत गणनामा श्रमसंस्कृति पार्टीका ध्रुवराज राई (माटो) अग्रस्थानमा देखिएका छन्।
अरुण गाउँपालिका वडा नं. १, २, ३ र ४ को मतगणना अनुसार ध्रुवराज राईले ८४७ मत प्राप्त गरेका छन्। उनका निकटत्म प्रतिस्पर्धी नेकपा एमालेका सचिव एवम् कोशी प्रदेशका पूर्वमुख्यमन्त्री शेरधन राई (सूर्य) ले ७६१ मत प्राप्त गरेका छन्।
यसैगरी यहाँ नेपाली कांग्रेसका बालकृष्ण थापाले (रुख) ६१४ मत, राष्ट्रिय स्वतन्त्र पार्टीका रमेश ओझाले (घण्टी) ५११ मत र नेकपाका अजम्बर राई काङमाङले (तारा) २९१ मत प्राप्त गरेका छन्।
प्रतिक्रिया