दोलखा– जिल्लामा बिहीबार सम्पन्न भएको प्रतिनिधिसभा निर्वाचनको मतगणना कार्य सुरु भएको छ । दिउँसो ३:२० बजेबाट जिरी नगरपालिकाको वडा नम्बर-१ श्यामा मतदान केन्द्रबाट मतगणना सुरु गरिएको हो ।
सुरुमा जिरी नगरपालिकाको वडागत रूपमा वडा नम्बर-१, २, ३ को मतगणना गर्न सुरु गरिएको जिल्ला निर्वाचन कार्यालय दोलखाले जनाएको छ ।
शुक्रबार बिहान ११ बजे बसेको सर्वदलीय बैठकले शुक्रवार दिउँसो ३ बजेपछि देखि मतगणना सुरु गरेको हो । बिहान बसेको सर्वदलीय बैठकले गौरीशंकर बहुमुखी क्याम्पस, चरिकोटमा मतगणना स्थल तयार गरेर मतगणना सुरु गरेको हो ।
जिल्लामा १ लाख ७० हजार ३२१ मतदाता रहेकामा ८४ हजार ४८१ मत खसेको छ । -सुवाश बस्नेत/दोलखा
प्रतिक्रिया