काठमाडौं – नेकपा एमालेका अध्यक्ष केपी शर्मा ओलीले देशभर आम रूपमा शान्तिपूर्ण रूपमा मतदान सम्पन्न भएको भन्दै सरकार, निर्वाचन आयोग, मतदाता तथा निर्वाचनमा खटिएका सम्पूर्णलाई धन्यवाद दिएका छन् ।

सामाजिक सञ्जालमार्फत प्रतिक्रिया दिँदै उनले देशभर शान्तिपूर्ण रूपमा मतदान सम्पन्न भएको उल्लेख गरेका हुन् । उनले निर्वाचन सम्पन्न गराउन भूमिका खेलेको भन्दै सरकार, निर्वाचन आयोग, मतदानमा सहभागी भएका सम्पूर्ण मतदाता, निर्वाचनमा खटिएका कर्मचारी तथा सुरक्षाकर्मीप्रति आभार व्यक्त गरेका छन् ।

त्यस्तै, निर्वाचन प्रक्रियामा सक्रिय रूपमा सहभागी भएका विभिन्न राजनीतिक दलका कार्यकर्ता तथा प्रतिनिधि साथीहरूलाई पनि उनले धन्यवाद दिएका छन् । ओलीले लोकतान्त्रिक प्रक्रियामा जनताको सहभागिता महत्वपूर्ण हुने उल्लेख गर्दै शान्तिपूर्ण रूपमा मतदान सम्पन्न हुनु सकारात्मक उपलब्धि भएको बताएका छन् ।