काठमाडौं– बिहीबार हुने प्रतिनिधिसभा निर्वाचनका लागि चितवनस्थीत भरतपुर माविलाई नमूना मतदानस्थल बनाइएको छ ।
मतदानको लागि चितवन क्षेत्र नम्बर २ स्थीत भरतपुर माध्यमिक विद्यालयमा रहेको मतदानस्थलमा सबै निर्वाचन कर्मचारी र सुरक्षाकर्मी महिला रहेका छन् ।
मतदानस्थलमा सबै काम महिला कर्मचारीबाटै हुने मतदान अधिकृत सुशीला वाग्लेले बताइन् ।
उक्त नमुना मतदान स्थलमा मतदान केन्द्र निर्माण देखि मतदान सम्पन्न गर्ने सम्पूर्ण काम महिला कर्मचारी र महिला सुरक्षाकर्मीले गर्नेछन् ।
उक्त मतदान स्थलमा २४ जना महिला कर्मचारी र २७ महिला निर्वाचन सुरक्षाकर्मीहरू रहेको मतदान अधिकृत वाग्लेले बताइन् ।
निर्वाचनको आवश्यक प्रक्रिया पूरा गरिसकेको र तोकेको समयमा नै मतदान गर्ने तयारीमा रहेको उनले जानकारी दिइन् ।
उक्त मतदानस्थलमा विगतका पनि महिला कर्मचारी र सुरक्षाकर्मीले नै निर्वाचन गराएका थिए ।
चितवनको १ सय ६२ मतदान स्थल मध्ये भरतपुर माविको मतदान स्थल मात्र महिला कर्मचारी र सुरक्षाकर्मीले मतदान गराउने नमुना स्थलको रूपमा रहेको छ ।
उक्त मतदान स्थलमा करिब ३ हजार ७ सय मतदाताले मतदान गर्नेछन् ।
प्रतिक्रिया