काठमाडौं– प्रतिनिधिसभा निर्वाचन अन्तर्गत झापा-५ को मतगणना स्थल दमकस्थित अर्ग्यानिक कृषि बजारमा तयार गरिएको छ ।

गणनास्थलको झ्याल-ढोकामा तार जालीको अग्लो बार लगाइएको छ र सिसिटीभी जडान गरिएको छ ।

यस क्षेत्रमा नेकपा (एमाले) का अध्यक्ष तथा पूर्व प्रधानमन्त्री केपी शर्मा ओली मुख्य प्रतिस्पर्धीका रूपमा रहेका छन् । राष्ट्रिय स्वतन्त्र पार्टी (रास्वपा) बाट बालेन्द्र शाहको उम्मेदवारी परेको छ । नेपाली कांग्रेसबाट मन्दरा चिमरिया र नेपाली कम्युनिस्ट पार्टी (नेकपा) बाट रञ्जित तामाङले पनि उम्मेदवारी दर्ता गराएका छन् ।

२४ जना उम्मेदवारहरूमध्ये १० जना स्वतन्त्र उम्मेदवार रहेका छन् भने बाँकी १४ जना विभिन्न राजनीतिक दलका तर्फबाट चुनावी मैदानमा उत्रिएका छन् ।

तस्बिरहरु : नेपाल फोटो लाइब्रेरी