मस्को-रुसले इरानले आणविक हतियार विकास गरिरहेको कुनै प्रमाण अहिलेसम्म नदेखिएको जनाएको छ।
अमेरिकी र इजरायली आक्रमण चार दिनदेखि जारी रहेका बेला रुसका विदेशमन्त्री सर्गेई लाभ्रोभले यस्तो बताएका हुन्।
ब्रुनाइमा बोल्दै लाभरोभले भने, ‘हामीले अझैसम्म इरानले आणविक हतियार विकास गरिरहेको कुनै प्रमाण देखेका छैनौँ। यही आरोप नै युद्धको मुख्य कारण थियो, जसलाई अमेरिकाले एक मात्रै औचित्यका रूपमा प्रस्तुत गरेको थियो।’
उनले इरानमाथिको आक्रमणका प्रभाव क्षेत्रभरि महसुस भइरहेको उल्लेख गर्दै अरब देशहरूले आर्थिक भार बेहोर्नुपरेको बताए। उनले अनावश्यक थोपरिएको युद्धले मानवीय क्षति पनि व्यहोर्नुपरेको बताए।
प्रतिक्रिया