तेहरान-इरानको सरकारी मिडियाले दिवंगत सर्वोच्च नेता अयातुल्ला अली खामेनेईकी पत्नी मन्सूरेह खोझस्तेह बघेरजादेहको पनि मृत्यु भएको छ।

अमेरिकी–इजरायली हवाई हमलाका क्रममा लागेको चोटका कारण उनको सोमबार मृत्यु भएको छ। खामेनेईको शनिबार नै निधन भइसकेको छ ।

खामेनेई र मन्सूरेहले सन् १९६४ मा विवाह गरेका थिए। मन्सूरेह खोझस्तेह बघेरजादेहले सन् १९६४ मा अयातुल्ला अली खामेनेईसँग विवाह गरेकी थिइन्।

मशहदमा परम्परागत धार्मिक रीतिरिवाजअनुसार सम्पन्न भएको यो विवाह खामेनेई युवा धर्मगुरुका रूपमा सक्रिय रहेका बेला भएको थियो।

सन् १९४७ मा मशहदमा जन्मिएकी मंसूरेह धार्मिक परिवारबाट आएकी थिइन्। उनका पिता आयतुल्लाह मोहम्मद बघेर खोझस्तेह मशहदका प्रतिष्ठित धर्मगुरु थिए।

सर्वोच्च नेताकी पत्नी भए पनि उनले सार्वजनिक र राजनीतिक जीवनबाट दूरी कायम राखिन्। त्यसैले उनको दायरा मुख्यतः पारिवारिक र धार्मिक परिवेशमै सीमित रह्यो।

उनका छ सन्तान छन्, चार छोरा र दुई छोरी। परिवार सामान्यतया मिडियाबाट टाढै रहँदै आएको छ। लो-प्रोफाइल र सादगीपूर्ण जीवनशैलीका लागि चिनिने मन्सूरेह खोझस्तेह बघेरजादेह इरानको धार्मिक–राजनीतिक संरचनाको महत्वपूर्ण तर पर्दा पछाडिकी पात्रका रूपमा मानिन्थिन्।