काठमाडौं- चीनले इरानी सर्वोच्च नेता आयातोल्लाह अली खामेनीको हत्यालाई जंगल राजको संज्ञा दिँदै कडा आलोचना गरेको गरेको छ । आफ्ना रुसी समकक्षी सर्गेई लाभरोभसँगको टेलिफोन कुराकानीका क्रममा चिनियाँ विदेशमन्त्री वाङ यीले खामेनीको हत्याको निन्दा गरेका हुन् ।

चीनको आधिकारिक समाचार एजेन्सी सिन्ह्वाका अनुसार वाङले सार्वभौमसत्ता सम्पन्न राष्ट्रका नेताको खुलेआम हत्या र सत्ता परिवर्तनका लागि उक्साउने कार्य पूर्ण रूपमा अस्वीकार्य रहेको बताएका छन् । यस्ता कदमले अन्तर्राष्ट्रिय कानुन र अन्तर्राष्ट्रिय सम्बन्ध सञ्चालनका आधारभूत मान्यताहरूको उल्लंघन गर्ने उनको भनाइ छ।

संयुक्त राष्ट्र सुरक्षा परिषद्को अनुमतिबिना कुनै पनि सार्वभौम राष्ट्रमाथि आक्रमण गर्दा दोस्रो विश्वयुद्धपछि स्थापना भएको शान्तिको जग कमजोर हुने धारणा उनले व्यक्त गरे।

अन्तर्राष्ट्रिय समुदायले स्पष्ट र दृढ आवाजमा यस्ता कार्यको विरोध गर्नुपर्नेमा जोड दिँदै उनले विश्वलाई ‘जङ्गल राज’ तिर धकेल्न नहुने चेतावनी दिएका छन्। चीन र रुस दुवैले यस घटनाप्रति गम्भीर चासो देखाउँदै विश्वव्यापी स्थिरताका लागि चिन्ता व्यक्त गरेका छन् ।