काठमाडौं- शनिबार बिहान इजरायल र अमेरिकाले हमला गरेपछि इरानले पनि जवाफी कारवाहीलाई जारी राखेको छ । यसै क्रममा इराकको स्वशासित क्षेत्र कुर्दिस्तानको राजधानी इर्बिलस्थित अन्तर्राष्ट्रिय विमानस्थललाई पनि इरानले निशाना बनाएको खबर छ ।

इराकमा इरानसमर्थित खतैब हेज्बोल्लाह नामक सैन्य संगठन सक्रिय छ । यसअघि सो संगठनले इरानको समर्थन गर्दै अमेरिकी निशानालाई लक्षित गर्दै हमला गर्नसक्ने समाचार आएको थियो ।

इराकी कुर्दिस्तान क्षेत्रमा रहेको इर्बिल अन्तर्राष्ट्रिय विमानस्थललाई लक्षित गरी ड्रोन आक्रमण भएको जनाइएको छ । समाचारमा जनाइएअनुसार विमानस्थलतर्फ आइरहेको एउटा विस्फोटक ड्रोनलाई त्यहाँ तैनाथ हवाई रक्षा प्रणालीले आकाशमै सफलतापूर्वक खसालिदिएको छ ।

हाल विमानस्थल बन्द गरिएको छ ।