काठमाडौं– काठमाडौं क्षेत्र नम्बर–४ मा प्रतिनिधिसभा सदस्यका लागि नेपाली कांग्रेसका युवा उम्मेदवार सचिन तिमल्सेना यतिबेला घरदैलो अभियानमा व्यस्त छन् । 

२०७०, २०७४ र २०७९ मा यही क्षेत्रबाट निर्वाचित भएका नेपाली काँग्रेस सभापति गगन थापा सर्लाही–४ तर्फ गएपछि कांग्रेसले यसपटक तिमल्सेनालाई उम्मेदवार बनाएको हो।

आफूलाई पार्टीको युवा पुस्ताको प्रतिनिधि भन्दै तिमल्सेनाले मतदातासँग भेटघाट र भोट माग्ने अभियानलाई तीव्र बनाएका छन् । 

आज उनले काठमाडौं–४ अन्तर्गत बूढानीलकण्ठ नगरपालिका–९ मा घरदैलो गरेका थिए।काठमाडौं–४ मा २८ जना उम्मेदवार प्रतिस्पर्धामा छन् । यस क्षेत्रमा ७६ हजार १४१ मतदाता रहेका छन् भने ३३ मतदानस्थल र ८८ मतदान केन्द्र तोकिएका छन्।

तस्बिरहरू : नेपाल फोटो लाइब्रेरी