काठमाडौं – डान्सर तेरिया मगरले फिल्म ‘मित ज्यू’को सुटिङ पूरा गरेकी छिन् । अनिल बूढा मगरको निर्देशनमा यो फिल्मको सुटिङ एक महिनामै पूरा भएको हो ।
निर्देशक मगरका अनुसार यो फिल्मको सुटिङ दाङ र रोल्पामा गरिएको छ । माघ ९ बाट यो फिल्मको छायाङ्कन सुरु भएको थियो ।
मंगलबार फिल्मको इन्ड क्याप गरिएको हो । यस फिल्ममा नायकहरु दयाहाङ राई, सौगात मल्ल र नायिका स्मिता लामिछाने शीर्ष भूमिकामा छन् ।
जेठ १५ गतेलाई यो फिल्मको प्रदर्शन मिति तोकिएको छ । जीएम मुभिज प्रोडक्सनको ब्यानरमा बनेको यस फिल्मको निर्माता जनकघर्ती मगर हुन् ।
प्रतिक्रिया