झापा– राष्ट्रिय स्वतन्त्र पार्टी (रास्वपा) सभापति रवि लामिछाने झापाको दमक पुगेका छन् । चुनावी कार्यक्रमलाई सम्बोधन गर्न उनी दमक आइपुगेका हुन् ।

दमक आइपुग्दा उनलाई पार्टीका स्थानीय नेता तथा कार्यकर्ताले स्वागत गरेका थिए । झापाका मतदातालाई सम्बोधन गर्दै लामिछानेले  जनताको आवाज उठाउँदा माइक काट्ने निवर्तमान सभामुख देवराज घिमिरेले कुन मुखले भोट माग्दै हुनुहुन्छ भनेर प्रश्न गरेका छन् । 

‘संसदमा जनताको आवाज उठाउँदा माइक काट्ने निवर्तमान समामुख आज कुन मुखले भोट माग्र्दै हुनुहुन्छ ?’, लामिछानेले प्रश्न गर्दै भने, ‘आज उहाँ जनताका घरमा कसरी जानुभएको छ त्यो मलाई थाहा हुने कुरा भएन तर आज म इन्दिरा रानालाई मत माग्दैछु ।’

तस्बिरहरू : नेपाल फोटो लाइब्रेरी