काठमाडौं– राष्ट्रिय प्रजातन्त्र पार्टीका नेता कमल थापाले चर्चित महिला फुटबलर सावित्रा भण्डारीको स्वास्थोपचारको जिम्मेवारी लिन सरकारको ध्यानाकर्षण गराएका छन् ।

साम्बाको उपचारमा आफूहरुको तर्फबाट पनि यथासम्भव सहयोग गर्ने प्रतिवद्धता उनले सोमबार गरेका छन् ।

साम्बाले आफ्नो उपचारका लागि सार्वजनिकरुपमा आर्थिक सहयोगको आह्वान गरेपछि थापाको यस्तो भनाइ आएको हो ।

‘चिन्ता नगर्नु साम्बा, सिङ्गो देश तपाईंको साथमा छ’, उनले लेखेका छन् ‘नेपाल र दक्षिण एसियाली महिला फुटबल जगतको सर्वाधिक लोकप्रिय र प्रतिभाशाली खेलाडीको शीघ्र स्वास्थ्य लाभको कामना गर्दछु।’

थापाले उपचारको सम्पूर्ण जिम्मेवारी सरकारले बहन गर्नुपर्ने पनि प्रधानमन्त्री सुशीला कार्कीको ध्यानाकर्षण गराएका छन् । ‘चिन्ता नगर्नु साम्बा सिङ्गो देश तपाईंको साथमा छ। हामी पनि आफ्नो तर्फबाट यथासम्भव सहयोग गर्नेछौँ’, उनले भनेका छन् ।