काठमाडौं– काठमाडौंमा जारी एन्फा राष्ट्रिय लिगमा जावलाखेल युथ क्लबले नेपाल पुलिस क्लबलाई पराजित गरेको छ ।
सोमबार सातदोवाटोस्थीत एन्फा कम्प्लेक्समा भएको खेलमा जावलाखेलले पुलिस क्लबलाई ३–० गोल अन्तरले पराजित गरेको हो ।
जावलाखेलको जितमा निकोलस ओडाने ह्यामिल्टनले खेलको १८ औँ मिनेटमा गोल गरेका थिए । त्यस्तै खेलको २६ औँ मिनेटमा युवराज ढकालले गोल गर्दै जावलाखेलको अग्रता दोब्बर बनाएका थिए । खेलको ७८ औँ मिनेटमा विकास दर्लामी मगरले जावलाखेललाई ३–० को जित दिलाए ।
जितसँगै ६ खेल खेलेको जावलाखेलको ९ अंक भएको छ भने समान खेल खेलेको पुलिसको ४ अंक रहेको छ ।
प्रतिक्रिया