काठमाडौं – आईसीसी टी–२० विश्वकप क्रिकेट अन्तर्गत सुपर–८ चरणको खेलमा दक्षिण अफ्रिकाले दिएको १८८ रनको लक्ष्य पछ्याइरहेको भारतले खराब सुरुवात गरेको छ । पावर प्लेको खेल सकिँदा भारतले तीन विकेट गुमाएर ३१ रन बनाएको छ ।

भारतका अभिषेक शर्मा १२ बलमा १५ रन बनाएर आउट भए । यस्तै इशान किसन शुन्य रनमा नै आउट हुँदा तिलक बर्माले एक रन मात्र बनाउन सके । अहिले कप्तान सूर्यकुमार यादव र वासिङ्टन सुन्दर क्रिजमा छन् ।

यसअघि भारतको नरेन्द्र मोदी स्टेडियमा टस जितेर पहिले ब्याटिङ रोजेको दक्षिण अफ्रिकाले निर्धारित २० ओभरमा सात विकेट गुमाउँदै १८७ रन बनाएको हो ।

दक्षिण अफ्रिकाका लागि डेभिड मिलरले सर्वाधिक ६३ रनको बनाए । ४५ बलको सामना गरेका उनले ७ चौका र ३ छक्का प्रहार गरे ।

यस्तै डेवाल्ड ब्रेभिस ४५, ट्रिस्टन स्टब्स ४४ रनमा आउट भएका थिए । दक्षिण अफ्रिकाका अन्य ब्याट्सम्यानले दोहोरो अंकमा रन जोड्न सकेनन् ।

भारतमा लागि जसप्रित बुमराहले ३ विकेट लिए । चार ओभर बलिङ गरेको उनले मात्रै १५ रन खर्चिए । अर्शदीप सिंहले २ विकेट लिँदा वरुण चक्रवर्ती र शिवम दुवेको नाममा एक एक विकेट रह्यो ।