काठमाडौं– बेलायतका पूर्वराजकुमर एण्ड्रियू माउन्टबट्टेन विन्जर पक्राउ परेका छन् । सार्वजनिक पदको दुरुपयोग गरेको आशङ्कामा उनलाई पक्राउ गरिएको हो ।

बेलायती नरेश चार्ल्स तृतीयका भाइ एण्ड्रियूले आजै आफ्नो ६६ औँ जन्मदिन मनाउँदैछन् ।

बीबीसीका अनुसार उनी हाल बसोबास गर्दै आएको नोरफोकस्थित स्याण्ड्रिङ्घम आवास क्षेत्रमा प्रहरीका सादा गाडी देखिएको थियो ।

उनी कुख्यात बाल यौन दुराचारी जेफ्री एपस्टिन मामिलामा मुछिएपछि बदनाम भएका थिए । एण्ड्रियूले जेफ्री एपस्टिन मामिलामा आफू निर्दोष रहेको दाबी गर्दै आएका छन् ।

बेलायतको टेम्स भ्याली प्रहरीले एक जना ६० वर्षीय व्यक्तिलाई पक्राउ गरिएको पुष्टि गरेको छ । यद्यपि उनको पहिचान भने प्रहरीले खुलाउन अस्वीकार गरेको जनाइएको छ । हाल उनी प्रहरी हिरासतमा रहेको बीबीसीले जनाएको छ ।

प्रहरीले नोरफोक र बर्कशायर क्षेत्रका केही ठेगानामा खानतलासी गरिरहेको जनाइएको छ ।