काठमाडौं– याङ्गो राइड नेपाल मासिक ड्राइभर सम्मान कार्यक्रम आयोजना गर्दै पछिल्ला २–३ महिनामा प्लेटफर्ममा उत्कृष्ट प्रदर्शन गरेका ड्राइभरहरूलाई विशेष रूपमा सम्मान गरेको छ ।

यस कार्यक्रममार्फत छोटो समयमा नै याङ्गो राइडका सेवा मापदण्डहरू अपनाई यात्रुहरूलाई सेवा प्रदान गर्ने ड्राइभरको योगदानको कदर गरेर सम्मान गरेको कम्पनीले जनाएको छ  ।

कार्यक्रममा उत्कृष्ट प्रदर्शन गर्ने नयाँ पार्टनर ड्राइभरहरूलाई प्रोत्साहनस्वरूप विभिन्न पुरस्कार प्रदान गरिएको थियो ।  जाडो मौसममा ड्राइभरहरूको दैनिक कामलाई सहज बनाउन याङ्गो राइडले जाडो विशेष  ब्याग पनि वितरण गरेको थियो । 

कम्पनीका अनुसार उक्त ब्यागमा याङ्गो ब्रान्डेड ज्याकेट, पञ्जा, कार फ्रेशनर, प्रिमियम क्लिनिङ कपडा तथा की–रिङ समावेश गरिएको थियो, जसले ड्राइभरको सुविधा मात्र नभई यात्रुहरूको कार सवारी अनुभव सुधार गर्न सहयोग पुर्‍याउने उद्देश्य राख्दछ ।