काठमाडौं – आईसीसी टी–२० विश्वकप अन्तर्गत मंगलबार तीन खेल हुँदैछन्। समूह ‘डी’, ‘सी’ र ‘बी’का एकएक खेल हुन लागेका हुन् । पहिलो खेलमा अफगानिस्तान र दक्षिण अफ्रिका, दोस्रो प्रतिस्पर्धामा अस्ट्रेलिया र आयरल्यान्ड भिड्दा तेस्रो खेलमा इंग्ल्यान्ड र वेस्ट इन्डिज आमनेसाम्ने हुँदैछन् ।

अफगानिस्तान र दक्षिण अफ्रिकाको भिडन्त
पहिलो खेलमा आज दक्षिण अफ्रिका र अफगानिस्तान भिड्दैछन्। यो खेल बिहान ११ बजेर १५ मिनेटमा अहमदाबादमा हुँदैछ । दक्षिण अफ्रिका र अफगानिस्तान दुवै टिमले दोस्रो खेल खेल्दैछन् । पहिलो खेलमा दक्षिण अफ्रिकाले क्यानडालाई ५७ रनले पराजित गरेको हो । अफगानिस्तान भने पहिलो खेलमा पराजित भएको टिम हो । अफगानिस्तान न्युजिल्यान्डसँग पाँच विकेटले पराजित भएको हो । अफगानिस्तान पहिलो जितका लागि प्रतिस्पर्धा गर्नेछ भने दक्षिण अफ्रिका लगातार दोस्रो जितको खोजीमा हुनेछ ।

दोस्रो खेलमा अस्ट्रेलिया र आरल्यान्डको भिडन्त
यो खेल श्रीलंकाको कोलम्बोमा दिउँसो ३ बजेर १५ मिनेट जाँदा सुरु हुँदैछ । विश्वकपमा अस्ट्रेलिया पहिलो खेल खेल्न खेल्न लागेको हो । आयरल्यान्ड भने पहिलो खेलमा श्रीलंकासँग २० रनले पराजित भएको छ। आजको खेलमा अस्ट्रेलिया र आरल्यान्ड दुवै टिम पहिलो जितको खोजीमा हुनेछन् ।

तेस्रो खेलमा वेस्ट इन्डिज र इंग्ल्यान्डको प्रतिस्पर्धा
विश्वकपमा पहिलो खेलमा विजयी भएका वेस्ट इन्डिज र इंग्ल्यान्ड दुवै टिम दोस्रो जितको खोजीमा छन् । पहिलो खेलमा इंग्ल्यान्डले नेपाललाई चार रनले हराएको हो । वेस्ट इन्डिजले भने स्कटल्यान्डलाई ३५ रनले हराउँदै विजयी सुरुवात गरेको हो। यो खेल बुधबार साँझ ७ बजेर १५ मिनेटमा भारतको मुम्बइस्थित वनखेडे मैदानमा हुँदैन ।