काठमाडौं – जर्मन बुन्डेस लिगा अन्तर्गत गएराति भएको खेलमा बायर्न म्युनिखले शानदार जित निकालेको छ । होफनहाइमलाई ५–१ गोल अन्तरले पराजित गर्दै बायर्नले शानदार जित निकालेको हो ।

बायर्नको जितमा ह्यारी केनले पेनाल्टी गोल गर्दै २० औं मिनेटमा सुरुवाती अग्रता दिलाएका थिए । पहिलो हाफको सुरुमै अर्थात् १७ औं मिनेटमा होफनहाइका डिफेन्डर केभिन एक्पोगुमा रातो कार्ड पाएर बाहिरिएपछि टिम १० खेलाडीमा सीमित भएको थियो । तर खेलमा आन्द्रे कामारिचले ३५ औं मिनेटमा गोल गर्दै बराबरी गरेका थिए । १० खेलाडीमा सीमित होफनहाइमले विपक्षीको दबाब रोक्न सकेन ।

खेलको ४५ औं मिनेटमा केनले व्यक्तिगत दोस्रो गोल गरे । उसका लागि डियाजले पहिलो हाफको अतिरिक्त समय, ६२ औं मिनेट र ८९ औं मिनेटमा गोल गर्दै ह्याट्रिक पूरा गरे ।

यो जितसँगै साविक विजेता बायर्न लगातार उपाधिका लागि बलियो बनेको छ ।