काठमाडौं- नेपाल प्रिमियर लिग एनपीएलमा उत्कृष्ट प्रदर्शन गरेका शेर मल्लले आईसीसी टी–२० विश्वकपअन्तर्गत इङग्ल्याण्डविरुद्धको खेलबाट नेपलको सिनियर राष्ट्रिय टिममा डेब्यू गरेका छन् ।

आइतबार पहिलो पटक राष्ट्रिय टिमको जर्सी लगाएर उनी इङग्ल्याण्डविरुद्ध मैदान उत्रिँदैछन् । भारतको मुम्बईस्थित वानखेडे मैदानमा जारी खेलमा इङग्ल्याण्डले टस जितेपछि नेपालले पहिले फिल्डिङ गर्दैछ ।

नेपालको प्लेइङ ११ मा कुशल भुर्तेल, आसिफ शेख, रोहित पौडेल, दीपेन्द्रसिंह ऐरी, आरिफ शेख, लोकेश बम, गुल्शन झा, करण केसी, शेर मल्ल, नन्दन यादव र सन्दीप लामिछाने छन् ।

त्यस्तै इंग्ल्यान्डको प्लेइङ ११ मा फिल साल्ट, जस बट्लर, ज्याकब बेथेल, टम ब्यान्टन, ह्यारी ब्रुक, विल ज्याक्स, साम करान, लियाम डसन, आदिल राशिद, जोफ्रा आर्चर र लुक वूड छन् । विश्वकपमा नेपाल समूह ‘सी’ मा परेको छ । नेपालको समूहमा इङ्ल्यान्डसँगै वेस्ट इण्डिज, इटाली र स्कटल्यान्ड छन् ।