काठमाडौं – स्पेनिस ला लिगा अन्तर्गत गएराति भएको खेलमा बार्सिलोना विजयी भएको छ। शीर्ष स्थानको बार्सिलोनाले रेलिगेसनको दबाबमा रहेको मायोर्कामाथि ३-० को जित निकालेको हो।
यो जितमा बार्सिलोनाका लागि रोबर्ड लेवान्डोस्की, लामिन यमाल र मार्क बर्नालले गोल गरेका हुन्।
बार्सिलोनाका लागि पहिलो हाफमा सुरुवाती अग्रता लेवान्डोस्कीले दिलाएका थिए। दोस्रो हाफमा लामिन र मार्कले थप दुई गोल गरेका हुन्।
लामिनले खेलको ६० औं मिनेटमा गोल गर्दा खेलको अन्त्यमा मार्कले अर्को गोल थप गर्दै बार्सिलोनाको जित निश्चित गरेका हुन्।
युवा खेलाडी मार्कले क्लबमा लागि यो पहिलो गोल गरेका हुन्। यो जितसँगै शीर्ष स्थानमा रहेको बार्सिलोनाले अंक बढाएको छ।
प्रतिक्रिया